Овој глас според местото на неговото формирање (на забите) е дентален. Положбата на артикулаторните органи за негово формирање е следната: усните се развлечени како за насмевка, просторот помеѓу горните и долните секачи е многу мал, приближно 1,5 мм, врвот на јазикот се наоѓа зад долните секачи, а неговиот преден дел се доближува на горните секачи и алвеолите, создавајќи тесна препрека на воздухот. Страничните ивици на јазикот се потпираат на горните катници, а по средината на јазикот се создава плиток жлеб. Воздушната струја при експирацијата поминува низ жлебот на јазикот, па во предниот дел на усната шуплина пред препреката се згуснува и нагло низ теснецот удара на долните секачи, каде се создава шум карактеристичен за гласот „С“. Овој глас е безвучен не треперат гласилките (гласните жици).

Вежби за насочување на воздушната струја:

• Земање воздух со стегнати заби (да се почувствува студенилото на воздухот) и по ист пат враќање на воздухот, дување во горната страна на дланката да се почувствува затоплувањето на воздухот;
• Низ стегнати заби дување во ситни ливчиња хартија, да се дувнат;
• Вдишување на воздух низ нос и издишување низ стегнати заби;
• Имитирање на следните животни: гуската се брани: С-С-С-С, змијата напаѓа:ССССССС, детето со прстот на устата да дава знак за тишина: ПССС

Иницијална положба

 

 

Меѓувокална положба

 

1. Сокот е сладок.
2. Симе сака сок.
3. Стојан коси со коса.
4. Снегот е студен.
5. Спасе и Тасе се смеат.
6. Сенка пие сок.
7. Супата е вкусна.
8. Сега е седум часот.
9. Симо се скија со сини скии.
10. Соња седи на стол.

Коледарска песна

Во ноќта снежна
песна се рони
коледарска порака
насекаде ѕвони.

Мама дома веќе
колачиња пече,
празникот кај секој
радост да донесе.

Исус се роди
се ори песна
Коледе, бабо,
пее и Весна.